Matthew [c]

Saint and Dragon Date of Text Citation Text/edition Language Translation
Matthew [c] xv AD Acta S. Matthaei pp. 221-2 AASS AASS Sep. vi pp.220-25 Latin  –

æc & iis similia multa cum mystico sermone dissereret, venit, qui diceret, magos cum singulis draconibus advenire. Dracones autem erant galeati, flatus eorum flammiferum ardorem emanabant, sulphur spargebant auribus & naribus, quarum odor homines inficiebat. Tunc consignans se Matheus apostolus, cæpit exire. Prohibebat autem illum eunuchus clausis hostiis *, dicens: Per fenestram, si jubes, loquere magis istis. Dicit illi Apostolus: Tu mihi aperi, & per fenestram tu considera magorum istorum audaciam. Aperiens autem Apostolus hostium, mox egressus est. Et ecce illi duo magi, singulos dracones ante se habentes, veniebant: & mox autem, ut venerunt, ambo dracones ante pedes Apostoli obdormierunt. Tunc dicit illis Apostolus: Ubi est ars vestra? si potestis excitare eos? Ego autem si non rogassem Dominum meum Jesum Christum, omnem furorem, quem nunc * exacuistis, in vos retorsissent. Sed quousque omnis populus conveniat, quia nullus accedere ausus erit huc, ego excitabo eos, & jubebo illos redire ad locum suum cum omni mansuetudine. Conabantur arte sua magica excitare eos, & penitus non poterant neque oculos aperire, neque excitare se.